İştirakçılar üçün şərtlər

FESTİVALLARDA İŞTİRAK ÜÇÜN ŞƏRTLƏR

Ticarət festivallarının ölkə daxilində və xaricində geniş təbliğatı və təşviqatını təşkil etmək, turistləri ölkəyə cəlb etmək və pərakəndə ticarəti inkişaf etdirmək üçün çoxsaylı tədbirləri həyata keçirmək məqsədilə festivalların büdcələri formalaşdırılır. Hər bir festivalın büdcəsinə uyğun olaraq iştirakçılardan toplanacaq iştirak haqları və komissiyalar təyin edilir.

İştirak haqları

2017-ci il 10 aprel-10 may tarixlərində  keçiriləcək Bakı Şopinq Festivalında iştirak haqqı, Azərbaycan manatı ilə

Satış komissiyaları

2017-ci il 10 aprel-10 may tarixlərində keçiriləcək Bakı Şopinq Festivalında iştirakedən sahibklar üçün komissiya şərtləri

Pərakəndə ticarətdə fəaliyyət göstərən müəssisələr

  • Ticarət festivalı dövründə ƏDV qaytarma proqramına qoşulmuş iştirakçılar ƏDV qaytarılan satış həcmindən 5% komissiya ödəyirlər.
  • Satış həcmi ƏDV qaytarma sisteminin statistikası əsasında hesablanır.
  • Digər bütün iştirakçılar üçün iki seçim verilir:
    • İştirak haqqı;

və ya

  • Festival dövründə ümumi satış məbləğindən 3% komissiya: satışın həcmi festival bitdikdən sonra iştirakçının göndərdiyi vergi bəyannaməsi əsasında təsbit edilir və hesablanır.
  • Ticarət mərkəzləri və mollara ilk festivalda iştirak haqqı tətbiq edilmir. Onlara qarşı tələblər:
    • festivalların konsepsiyasına uyğun brendləşmə aparmalı;
    • infodesk və ƏDV köşkü və bənzər layihələr üçün əvəzsiz qaydada yer ayırmalı;
    • qarşılıqlı razılaşdırılıcaq əyləncəli tədbirlərin təşkilində dəstək olmaq;
    • kommunal xidmətləri öz öhdələrinə götürməlidirlər.
    • Həmçinin, qarşılıqlı razılaşdırılacaq tədbirləri təşkil etmək.

Xidmət sahəsində fəaliyyət göstərən müəssisələr

  • Bu müəssisələr yalnız iştirak haqqı ödəyir.

Endirimlər

İştirakçılar ticarət festivallarında iştirakın şərtlərindən biri kimi alıcılar üçün endirimlər və loyallıq kampaniyaları üçün güzəştlər təklif etməlidirlər. Endirimin həcmi fəaliyyət kateqoriyasından asılı olaraq, bütün mallara və ya satılan malların bir hissəsinə şamil edilə bilər. Endirimlərin həcmi 30-70% arasında dəyişəcək.

Digər ödəmələr

Stimullaşdırıcı tədbirlərdə (lotereya, loyallıq kampaniyaları, hədiyyəli satış kampaniyaları və s.) çıxış etmək üçün iştirakçılar əlavə haqq ödəyəcək. Bu haqqın məbləği hər bir kampaniya üçün ayrıca hesablanıb bildiriləcək. Bütün belə kampaniyalar qazan-qazan prinsipi ilə təşkil ediləcək.

Müəyyən imtiyazlar

  • Ticarət festivalının sponsor və partnyoru kimi çıxış edən şirkətlərə məxsus iştirakçılara individual qaydada endirimlər edilə bilər.

Bank qarantiyası

  • Ödəniləcək haqq və komissiyalarda təşkilatçı tərəfindən möhlət hüququ verildiyi üçün təşkilatçının qərarına əsasən məqbul bankdan bank qarantiya məktubu tələb edilə bilər.

Cərimələr

Təşkilatçı tərəfindən iştirakçıya bəzi əməllərə görə cərimələr tətbiq edilə bilər:

  • İştirakçı 5 illik müqaviləyə vaxtından əvvəl xitam verərsə
  • Festivalda iştirakın şərtlərini pozarsa (brendləşmə, iştirak paketinin şərtləri)
  • Müqavilə üzrə öhdəlikləri pozarsa