Azərbaycan Respublikasına gələn əcnəbilər və vətəndaşlığı olmayan şəxslər 2 yolla viza rəsmiləşdirə bilər. Viza rəsmiləşdirilməsi Azərbaycan Respublikasının diplomatik nümayəndəlik və konsulluqlarında və ya Xarici İşlər Nazirliyinin Konsulluq İdarəsi vasitəsilə aparılır. Daha ətraflı məlumat üçün Azərbaycan Xarici İşlər Nazirliyinin rəsmi saytında müvafiq keçiddən istifadə edə bilərsiniz.

Bundan əlavə, bu keçiddə verilən siyahıda qeyd olunan ölkələrin vətəndaşları “ASAN Viza” sistemi vasitəsilə elektron viza əldə edə bilərlər. “ASAN Viza” sistemi vasitəsilə 3 iş günü müddətində verilən elektron vizasında ölkədə qalma müddəti 30 günədək müəyyən edilir və 20 ABŞ dolları məbləğində dövlət rüsumu alınır. Bunun üçün həmin şəxslər “ASAN Viza” rəsmi saytında müvafiq keçiddən istifadə edə bilərlər.